မုန်းတိုင်းကို ကြိုထောက်ခြင်း
မိတ်ဆွေတို့ 
မုန်တိုင်း လာခါနီးမျိုးနဲ့ 
ငြိမ်သက်ခြင်းမျိုးနဲ့ ငြိမ်သက်နေကြ
ရဲ ဘော်တွေ သေနပ်ချိန်သီးခွက်ကို ကြည်နေတုံး
ငြိမ်သက်သလို မျိုးနဲ့ ငြိမ်သက်နေကြ။
ကောင်းကင်က နီသထက်နီလာပြီ။
မုန်တိုင်းလာလိမ့်မယ်။
မီးတောင်တခုလို
ဒေါသမျိုးနဲ့  သူပေါက်ကွဲပါလိမ့်မယ်။
ဒီအချိန်မှာ
မုန်တိုင်း ကိုကြိုဆိုဖို့ 
လှံစွပ်တွေကိုသွေးထားကြ
သေနပ်ပြောင်းတွေကို တိုက်ထားကြ
ကြွေးကြော်သံတွေကိုတိုက်ထားကြ ။
ပိုစတာတွေကို လုံခြုံတဲ့နေရာမှာဖွက်ထားကြ။
အနာဂတ်ဟာ
မျှော်လင့်ခြင်းတခုသာမဟုတ်တော့ဘူး
တွေ့ ဆုံခြင်း လက် တွေ ဖြစ်လာလိမ့်မယ်။
အမေတို့ ရေ
တုန်ရီနေတဲ့လက်တွေ နဲ့ 
သပြေရွက်တွေကို ဆက်ဆက်ပွေ့ ထားပါဦး
ချစ်သူတို့ ရေ
အစွမ်းကုန်ပွေ့ ဖက်ဖို့ သာပြင်ထားကြပါရော့ လား
မနက်ဖန် ဟာ
သင်တို့ အတွက်ကလွဲလို့ 
ဘယ်သူအတွက်မှာ မဖြစ်နိင်တော့ပါဘူး။
မိုးသီး
”၂၀၀၈ ဇန်နဝါရီရဲ့ အစီအရင်ခံစာ”
လွတ်မြောက်ပါရစေလို့ချည်း ရွေးပြီးဦးချနေရတဲ့ဆုတောင်း
ဒူးတွေတောင် ညောင်းကုန်လှပေါ့
မျက်ရည်တွေချည်း ရွေးကျနေရတဲ့
ဒီနိူင်ငံကြီးတခုထဲမှာ
ဂုဏ်ပြုတေးတွေလည်း ဆိုရပါများလို့
အာခေါင်တွေတောင်တစ်ဆို့
ပျို့တက်လာတတ်တဲ့ နှစ်ချို့ဝေဒနာ……
နောက်ကျခြင်းတွေချည်း ရွေးသီးနေရတဲ့
တိုးတက်မှုပြဇယား သစ်ပင်ပေါ်မှာ
မျက်နှာငယ်ရပါများလို့
ချို့တဲ့နေတဲ့လူ့ဘုံခန်းဝါ
ဒါ ကမ္ဘာ့ရွာအပြင်ဖက်က ငါတို့မြန်မာ……
ပိုလန်ကဗျာဆရာက ဒီလိုဖွဲ့ဆိုခဲ့
သူ့ရဲ့ခံစားချက်တလှေကြီးကို…
”စစ်ပွဲရဲ့ ကျေးဇူးကြောင့် ကလေးမျိုးစိတ်အသစ်စက်စက်ကို
ငါတို့ ဖန်တီးနိူင်ကြပြီ
ငါတို့ကလေးငယ်တွေဟာ နတ်သမီးပုံပြင်တွေကိုမကြိုက်ဘူး
သတ်တမ်းဖြတ်တမ်း ကစားဖို့ပဲ စိတ်ဝင်စားကြတယ်
နိူးနိူးအိပ်အိပ် သူတို့အိပ်မက်မက်ကြတာက
ပေါင်မုန့်နဲ့အရိုးစွပ်ပြုတ်
ခွေးတွေကြောင်တွေအတိုင်းပဲ” တဲ့……
ကြေကွဲပွင့်တွေချည်း ရွေးပွင့်နေရတဲ့
ဒီမြေကြီးပေါ်မှာ
နှစ်ပေါင်းများစွာရပ်လာရတဲ့ ငါက
ဒီလိုရေးဖွဲ့ချင်ရဲ့
ကလေးတွေနဲ့ လူကြီးတွေရဲ့ခံစားချက်တူညီမှုနဲ့
တုန့်ပြန်မှုကွဲပြားခြားနားချက်ကို…..
သူတို့ကမွန်းကျပ်ကြတယ်
အခန်းကျဉ်းတွေထဲမှာ နေရပါများလို့
အလင်းရောင်နဲ့ အားပါးတရရှုသွင်းနိူင်မယ့်လေကိုမွတ်သိပ်ရင်း
မြေသင်းနံ့မွှေးစေမယ့်လတ်ဆက်မိုးရေကိုတမ်းတရင်း
ကမ္ဘာကြီးရဲ့ဖိတ်ကြားလွှာတွေကိုလည်တဆန့်ဆန့်မျှော်ရင်း
သေမင်းခံတွင်းဝကပြေးထွက်ဖို့ကြိုးစားကြ
ကလေးတွေက လက်တွေကိုလေထဲဆန့်ထုတ်ကြ
လူကြီးတွေက ရင်ဘတ်ဗလာကိုတံဆိပ်ကပ်ရင်း
ကလေးတွေကြီးပြင်းဖို့ နှစ်ချို့အနာနဲ့ရုံးတက်ကြ…..
ငါတို့ကလေးတွေက အချစ်ဝတ္ထုတွေကိုမမက်မောကြဘူး
ကျဉ်းထဲကျပ်ထဲက ခပ်ရဲရဲအရေးအသားတွေကိုဘာသာပြန်ဖို့
သူတို့ရဲ့ ဘဝပေးအသိတွေနဲ့ရင်းပြီးစိတ်ဝင်တစားဖတ်ကြတယ်
လူကြီးတွေက ဆိုင်းဘုတ်တပ်ကြော်ငြာတွေထက်
မတရားဖြတ်တောက်တားဆီးခံရတဲ့ လေလှိုင်းအသံတွေကို
ပိုပြီးမြတ်နိူး အားကိုးတကြီးနားထောင်ကြတယ်…..
အဲဒီလိုနဲ့
ညနေခင်းတွေမှာလည်း
သူတို့ရဲ့လမ်းမတွေဟာအကွဲကွဲအပြဲပြဲ
နံနက်ခင်းတွေမှာလည်း
သူတို့ရဲ့နေရောင်ခြည်ဟာအနွေးဓာတ်မပါ အေးခဲ
ညနက်တွေထဲမှာတော့
ဗိုင်းရပ်စ်ပိုးမွှားတွေကအသက်ရှင်
နွယ်တပင်လိုတွယ်ရစ်နေတဲ့ သူတို့ရဲ့တောင့်တမှုလွတ်မြောက်ခြင်း
တနင်္လာနံနက်ခင်းမှသည် တနင်္ဂနွေညခင်းဆီထိ
၁၉၆၂ မှသည် ၂၀၀၈ ဇန်နဝါရီတိုင်ထိ……..။
ဆောင်းယွန်းလ
ဇန်နဝါရီလ ၁ရက်နေ့ ၂၀၀၈ခုနှစ်
အဝေးက၊ အနီးက၊ မဝေးမနီးက
လုပ်ဖေါ်ကိုင်ဖက်တွေအားလုံးသို့
နှစ်သစ်ကူးအမှတ်တယ
• အပြောင်းအလဲဆိုလို့
ဟောင်းပြီးရင်ဟောင်း
အဟောင်းတကာ့ အဟောင်းဆုံးတွေထဲမှာ
အကောင်းဆုံးလေးတွေကို ငါကောက်ရခဲ့တယ်။
ရာပြည့် , တည်ကြည် ,ဟန်နီ
Claude, Jame ,ဝေယံ, မော်မော်,
လမင်း , Smith˜ မိကောက် ....˜
ဘယ်လိုဘုရားမျိုးက ဖန်ဆင်းထားတာပါလိမ့်၊
• ငါက
ကောင်မလေးရဲ့အနမ်းတွေအောက်မှာ
ငါ့ဘ၀ထမင်းပွဲကို ခူးခပ်ပြင်ဆင်နေတုန်း
စစ်မီးထတောက်တော့
ဗုံးကျည်ဆံတွေကြားမှာ
ငါ့သီချင်းတွေခမျာ
အသံတခြား စာသားတခြား
အကုန်လုံး ဆွံအသွားတယ်၊
• ကံကောင်းလို့ ငါမသေတယ်
ပစ်နေခတ်နေတဲ့ကြားက
ကယ်ဆယ်ရေးပုခက်ပေါ်မှာ
အဖြူရောင်တနင်္ဂနွေ
ဝတ်ပြုဆုတောင်းပွဲများ
မေလရဲ့ ၂၇
ရှစ်ဂဏန်းများ
လောင်စာဆီဈေးနှုန်း
ရေဒီယို (၄)လုံး
ရွှေဝါရောင်လှိုင်းလုံးကြီးများ၊
• တိုးတိုးတိတ်တိတ်သာ ရွတ်ဆိုခွင့်ရှိပြီး
ကျယ်ကျယ်လောင်လောင် မြည်ဟီးတတ်တဲ့
သူမရဲ့အမည်နာမ
မီးပြင်းတိုက်ထားပေမဲ့
ဂုဏ်သတ္တိတွေ ပြောင်းမသွားတဲ့
ငါ့ရဲ့မိုက်ဖေါ်မိုက်ဖက်တွေ
ငါ ဦးညွှတ်ပါ.
မလုံလောက်သေးဘူးထင်လို့
ငါ့ ခန္ဓာတခုလုံးကို ကိုင်းညွှတ်ပါ.
ထပ်လိုအုန်းမယ်ထင်လို့
ငါ့ ရှေ့ဘ၀ နောက်ဘ၀များစွာကိုပါ
ကိုင်းညွတ်လိုက်ပါ.။ ။
ထွန်းမြင့်အောင်
၂၀၀၇ ဒီဇင်ဘာ ၃၁
သန်းခေါင်ယံ
”သစ္စာရှိကြေး”
နေသားတကျမရှိလှတဲ့
ဘဝကဘဲ
မျှော်လင့်ချက်တွေကို ခဏခဏရိုက်ပုတ်ထုတ်ခဲ့။
ဝေးလွင့်သွားတဲ့မျှော်လင့်ချက်တွေကဘဲ
ဘဝကို နေသားမကျအောင်
အစီအစဉ်တကျချည်နှောင်စေခဲ့။
ဘဝနဲ့မျှော်လင့်ချက်တွေဟာ
နေ့နဲ့ညလိုစိန်ပြေးတမ်းကစား
ဘယ်တော့မှမပေါင်းဆုံနိူင်တဲ့ မျဉ်းပြိုင်များလို။
နေသားကျနေတဲ့
သီးခံမှုတွေက
ဖန်တရာထပ်နေတဲ့
မတရားလုပ်ဇာတ်တွေကြောင့်
မာတောင့်တောင့်အစိုင်အခဲဖြစ်လာခဲ့။
စိုးရိမ်ကြောင့်ကြမှုတွေက
အရည်ပျော်ပြာကျသွားတဲ့အခါ
သူတို့ဟာ..သေမှာလည်းမကြောက်ကြတော့
ခေါင်းမော့ ရင်ကော့ပေးလိုက်ကြလေရဲ့
အာဏာရှင်တွေရဲ့ သေနတ်ပြောင်းဝရှေ့မှာ။
ဘာဖြစ်ဖြစ်မမှုတော့တဲ့
စိတ်ဓာတ်တွေကဘဲ
အသက်နဲ့လဲပြီး
ကမ္ဘာ့လူထုကြီးကို အသိပေးခဲ့ကြ
မတရားမှုတွေပြည့်နှက်နေတဲ့
နိူင်ငံတခုရဲ့ အကြောင်းကို
စာအံသံဆွံ့အနေတဲ့ သင်ခန်းစာအဟောင်းတွေရဲ့အကြောင်းကို
သေကောင်ပေါင်းလဲ ဆေးရုံတွေထဲက
ငွေမရှိရင် ဆေးဝါးမရှိတဲ့လူမမာတွေရဲ့အကြောင်းကို
ပြေးရင်းလွှားရင်း စစ်တလင်းတွေထဲက
ခြေပျက်တွေနဲ့ မျက်စိလပ်သွားသူတွေရဲ့အကြောင်းကို
ရက်အကန့်အသတ်မရှိ အကျဉ်းချခံထားရတဲ့
အမှန်တရားတွေရဲ့ အာမခံချက်ဆိတ်သုဉ်းခြင်းအကြောင်းကို
အလောင်းမြေချခွင့်တောင်နည်းပါးလှတဲ့
ဆင်းရဲနွမ်းပါးမှုတွေရဲ့အကြောင်းကို
မကြာခဏပြောင်းရွှေ့ခြင်းခံနေကြရတဲ့
မြို့ပြအိမ်ယာစီမံကိန်းတွေထဲက တဲပုတ်ငယ်လေးတွေရဲ့အကြောင်းကို
ဦးနှောက်ယိုစီးမှုရဲ့ အဓိကအခြေခံအကြောင်းတွေကို
စေတီပုထိုးတွေပေါများသလောက်
ကုန်းကောက်စရာမရှိလှအောင်
အကြင်နာတရားခေါင်းပါးလှတဲ့အုပ်ချုပ်သူလူတန်းစားတွေရဲ့
သံဃာနဲ့အမျိုးဖြုတ်စစ်ဆင်ရေးတွေရဲ့အကြောင်းကို
ဖောင်းပွနေတဲ့ငွေကြေးစံနစ်တွေရဲ့အကြောင်းကို
ယူနီဖောင်းဝတ်တွေရဲ့
လက်တည့်စမ်းမှုတွေကြောင့်
မိမဲ့ဖမဲ့ဖြစ်သွားရတဲ့ကလေးငယ်တွေရဲ့အကြောင်းကို
ပိုးထိုး လောက်ကိုက် ခြစားနေတဲ့
အနှစ်မဲ့ စနစ်တခုရဲ့အကြောင်းတွေကို။
နေသားတကျမရှိလှတဲ့ဘဝကဘဲ
မျှော်လင့်ချက်တွေကိုပြန်လည်မွေးဖွားဖို့လက်တို့ခဲ့
မျှော်လင့်ချက်တွေကဘဲ
တရားတဲ့တိုက်ပွဲကို လက်နက်ဗလာနဲ့ဆင်နွှဲခဲ့
ဒဏ်ရာနဲ့နှလုံးသားတွေရဲ့
အစိမ်းလက်လက်နာကျင်မှုတွေထဲမှာ
ကမ္ဘာတခုလုံးအုံးအုံးကြွက်ကြွက်ညံစေမယ့်အသံ
တော်လှန်ရေးသင်ခန်းစာသစ်တခုပြဌာန်း
စက်တင်ဘာရဲ့ လမ်းကြမ်းကြမ်းပေါ်မှာ။
ကဲ.အစိုင်အခဲတွေကိုအရည်ဖျော်ဖို့
အနာဂတ်တွေကို ရွှေချဖို့
ရှေ့သို့ဆက်လှမ်း တော်လှန်ရေးရဲ့လမ်းတွေထဲကို…..
အသည်းမာမာနဲ့ နောက်မဆုတ်ကြေး
လူ့အခွင့်အရေးရသည်အထိ
အာဏာရှင်တွေပြုတ်ကျသည်အထိတိုက်ပွဲဝင်ရင်း
အသက်ဘဝနဲ့ရင်းခဲ့ကြသူတွေကိုသစ္စာစောင့်သိကြ။
ဆောင်းယွန်းလ
တိုက်ပွဲခေါ်သံ(နှစ်)
တိုက်ပွဲခေါ်သံ
ဇန်နဝါရီလ
၂၀၀၇ရဲ့စက်တင်ဘာလကိုပြန်လည်အသက်သွင်း
၂၀၀၈ဟာငါတို့ရဲ့မဟာနံနက်ခင်းတွေဖြစ်စေရမယ်ဟေ့…..။
ဒီတနှစ် ၂၀၀၇ဟာ သိသိသာသာကုန်ဆုံး
ဒီဇင်ဘာတဝက်ကိုတောင်ခြေတဘက်ကမ်းရင်း
၂၀၀၈ ဇန်နဝါရီရဲ့ကောင်းခြင်းတွေကိုလှမ်းဆွတ်တော့မယ်။
၂၀၀၇ သြဂုတ်ကစတဲ့ တိုက်ပွဲခေါ်သံ
မြန်မာပြည်အနှံ့ရဲ့ မြို.ပြနဲ့
ကျေးလက်မကျန်
ရှိသမျှနံရံတွေကို အရှိန်မှန်မှန်ရိုက်မှန်စေခဲ့ပြီး
၂၀၀၇ရဲ့ စက်တင်ဘာကိုအဟုန်ပြင်းစွာလှုပ်နှိုး
ဒီမိုကရေစီနဲ့လူ့အခွင့်ရေးတောင်းဆိုမှု မိုးတွေရွာချ
ဘုန်းဘုန်းတို့လမ်းပေါ်ထွက်ခဲ့ကြ
အနူပညာရှင်တွေဆွမ်းကွမ်းရေချမ်းကပ်လှုခဲ့ကြ
ပြည်သူတွေလက်ချင်းချိတ်
လွယ်အိတ်တွေနဲ့ကျောင်းသား
ခွပ်ဒေါင်းအလံများကိုလေမှာပျံဝဲစေရင်း
အကြမ်းမဖက်ရေးသီချင်းတွေကို
ကမ္ဘာ့မီဒီယာသတင်းတွေအဖြစ်ဖောက်ခွင်းရစ်ခဲ့ကြတယ်။
၂၀၀၇ဟာ ဇာတ်ဝင်ခန်းမဟုတ်သလို
ဇာတ်သိမ်းခန်းလည်းမဟုတ်ခဲ့
၂၀၀၇ဟာ ၆၂ရဲ့ဇာတ်ပေါင်းခန်း
၂၀၀၇ဟာ ၇၄ရဲ့ဇာတ်ပေါင်းခန်း
၂၀၀၇ဟာ ၈၈ရဲ့ဇာတ်ပေါင်းခန်း
၂၀၀၇ဟာ ၉၆ရဲ့ဇာတ်ပေါင်းခန်း
၂၀၀၇ဟာ ၂၀၀၄ရဲ့တအုံနွေးနွေးမွေးခဲ့တဲ့ဇာတ်ကြမ်း
အဲဒီဇာတ်ကြမ်းကို အဆုံးသတ်ဖို့မျှော်မှန်းတယ်
၂၀၀၈ရဲ့ခရီးစခန်း မဝေးတော့တဲ့လမ်းမှာ။
စက်တင်ဘာရဲ့ရွှေဝါရောင်တော်လှန်ရေးမှာ
ဘုန်းဘုန်းတွေသွေးနဲ့ပရိတ်တရားနာ
ပြည်သူ့သွေးနဲ့ငိုကြွေးရှိုက်ငင်
ကျောင်းသားတွေသွေးနဲ့ပြဌာန်းချက်အသစ်ရေး
အဝေးရောက်မြန်မာတွေရဲ့တိုင်းချစ်ပြည်ချစ်စိတ်
ကမ္ဘာအပြင်ဘက်ထိဖိတ်ကျစေခဲ့တယ်။
တိတ်ဆိတ်နေတဲ့အခိုက်တန့်ခဏ
၂၀၀၇ရဲ့ ဒီဇင်ဘာအခုလိုလမျိုးမှာ
မျိုးချစ်သူရဲကောင်း သံဃာတော်တွေဟာ
မျိုးချစ်သူရဲကောင်း ကျောင်းသားကျောင်းသူတွေဟာ
မျိုးချစ်သူရဲကောင်း တိုင်းသူပြည်သားတွေဟာ
မြင်းခွာတချက်ပေါက်ရင်
မီးဟုန်းဟုန်းတောက်စေရမယ်ဆိုတဲ့
ကိုဗဟိန်းရဲ့ ရဲရဲတောက်စကားကို လက်ကိုင်ထားပြီး
အမှောင်ခွင်း အလင်းဆောင်မယ့်မီး တုတ်ကိုကိုင်
ဒီမိုကရေစီ မိုင်တိုင်တွေဆီချီတက်ဖို့အတွက်
အကြမ်းမဖက်တဲ့ ငြိမ်းချမ်းရေးကျောပိုးအိတ်တွေကိုထမ်းပိုးရင်း
ရှေ့ခရီးပြင်းတွက် ခွန်အားလက်နက်တွေပြင်ဆင်နေကြလေရဲ့။
နောက်ဆုံးတိုက်ပွဲခေါ်သံအဖြစ်
ခင်ဗျားတို့..ကျုပ်တို့
ကဗျာတပုဒ်
ကျယ်ကျယ်လောင်လောင်အော်ဟစ်ထုတ်လိုက်ကြစို့…
တိုက်ပွဲခေါ်သံ
ဇန်နဝါရီလ
၂၀၀၇ရဲ့စက်တင်ဘာလကိုပြန်လည်အသက်သွင်း
၂၀၀၈ဟာငါတို့ရဲ့မဟာနံနက်ခင်းတွေဖြစ်စေရမယ်ဟေ့…..။
ဆောင်းယွန်းလ
ကိုယ်ပိုင်ပြဌန်းချက်
ပြဿနာနဲ့ငါ
နယ်နမိတ်တိုင်းမှာထိစပ်ကြပေါ့
စည်းခြားကြေးဆိုလည်း
ကျဉ်းမြောင်းလာမယ့်ရပ်တည်ချက်တွေနဲ့
ရက်စွဲအပိုတွေ အတွက်
နယ်ခြားစောင့်တပ်သား
အငှားထားရလိမ့်မယ် ။
အရင်းစစ်အမြစ်မြေမှာတူးဆွ
သူနဲ့ငါ
ငါနဲ့သူ
ရန်သူဆိုတဲ့ပြတ်သားမှုတိုင်းမှာ
စကားလုံးတွေနဲ့စစ်ခင်းလို့မရ
အတွင်းကလှိုက်စားလာမယ့်အမြစ်
မူလဇစ်မြစ်ခိုင်မာ ကျောက်စိုင်ကျောက်ခဲဖြစ်နေရင်တောင်
ဖေါက်ခွဲသွားလိမ့်မယ် ။
သန္ဓေဗီဇရဲ့ဖြစ်တည်မှုမှာ
မျိုးရိုးအစဉ်အလာသွေးကပါသတဲ့
အဆိပ်တွေပွင့်သီးရင့်မှည့်စေမယ့်
သန္ဓေသွေးသား
မရင့်ခင်ကတည်းက
မဆီးတား အပြီးဖျက်ချမထားခဲ့တဲ့အမှား
လူသတ်လို့ငရဲမလားဆိုတဲ့ဆောင်ပုဒ်စကား
ခိုင်မြဲနေမဲ့မိစ္ဆာတွေကြား
ငါးပါးသီလလည်းမြဲသင့်မှမြဲကြရင်
အကောင်းသားဆိုတဲ့
မှားနေတဲ့အသိတရားမှာ
ငါတို့ကိုယ်တိုင်ရဲ့ ကိုယ်ပိုင်စကားတွေနဲ့
တခါတခါမျက်လုံးစုံမှိတ်ပြီး
ဦးနှောက်ကိုစီးမြောခွင့်ပေးရဲရမယ် ။
ဖြားယောင်းခံရတယ်ဆိုတဲ့မှတ်တမ်းတွေက
ယုံကြည်လွယ်သူတွေကရေးခဲ့ကြတာ
ဖန်တရာထေနေတဲ့ဇတ်ညွှန်းပြဇတ်ကို
မျှော်လင့်ချက်လမ်းဟောင်းထဲက
စွဲလမ်းတတ်မက်တတ်တဲ့
အသိမဲ့ စည်းမခြား
ပုရိတ်သတ်များရှိနေဆဲမို့
စဉ်းစားခွင့်ပေးမထားတဲ့ဇတ်သိမ်းမှာ
ငိုခိုင်းတိုင်းငိုကြရအခါခါဘဲမဟုတ်လား ။
ယုံကြည်မှုတိုင်းမှာ
ကျည်ကာအင်္ကျီဝတ်ပေးထားလို့
ခံနိုင်ရည်စွမ်းလုံလောက်ကြေးဆို
လူသတ်စစ်ရာဇ၀တ်ကောင်တွေ ရဲ့
မထေမဲ့မြင်နှတ်ခမ်းစ ကြောင့်
ငါတို့ရင်ထဲမှာ တိုက်ဖြစ်ခဲ့ကြတဲ့
သွေးဆာမုန်တိုင်းတွေဟာ
ဘာကြောင့်လည်း ။
ငါတို့ ………
ကျွမ်းဝင်နေကျလူတွေက
တွေ ဝေအမှားတွေနဲ့
လေပြေစကားထဲမြောကြပေါ့
ကြောချမ်းနေတဲ့ ငါ့မသိစိတ်က
အိပ်မွေ့ချခံထားရတဲ့
သံပခြုပ်စားပွဲဝိုင်း မွေ့ယာထက်မှာ…
ဟင်းလင်းပြင်ထဲ လွင့်လွင့်ထွက်ခဲ့တဲ့
နှစ်လွန်ရက်တွေက
ငါ့အသက်မကတော့
အကာအကွယ်မဲ့ဘ၀တွေနဲ့
စိတ်ပျက်စွာညဉ်းတွား
တော်လှန်ရေးသမားဆိုတာလည်း
စည်းဝါးကျဖို့လိုနေဆဲပေါ့ ။
ရိုးသားမှုလို့ဂုဏ်ယူစရာ
မင်း ဘ၀လမ်းကျဉ်းကျဉ်းလေးထဲမှာ
အများနဲ့တသားတည်းမကျ
အားမလိုအားမရ
ဝေဖန်မှုတွေနဲ့အသားကျ
တားမရလို့ ဖွင့်ဖွင့်ပေးနေရတဲ့
မြို့ ရိုးတခါးဝမှာ
မင်း အမေကို ကြံစည်သူတွေက
မင်း ကို ရယ်ြပနေကြပြီလေ
အဓိပ္ပါယ်ဆိုလိုရင်းက မင်းဟာငတုံးငအတဲ့ ။
အသက်တွေလောင်းကြေးပေးခဲ့ဘူးတဲ့
ကစားကွင်းတခုမှာ
မင်းနဲ့ငါကတဖက်
သူတို့က တဖက် ပေါ့
သူတို့ နဲ့ င့ါ အကြား
ပြတ်ပြတ်သားသား
ရန်ကာစည်း ခြားခဲ့ ။
မိတ်ဆွေ ရန်သူ
လားရာဖက်မတူတဲ့ကျည်ဆံများ
ခြေစုံရပ်ထား အလယ်ကြားက
မင်း ……
မထွင်းရက်လို့ မဖြစ်တဲ့ သစ္စာကျည်တစအပေါ်
ငါတို့ အသက်ဘ၀ တွေအပ်ကြရမယ့်
အခုအချိန်
င့ါရဲ့မေးခွန်းစကား မှာ အဖြေရှာရှိပြီ
မင်း …….
ရန်သူလား
မိတ်ဆွေလား ။ ။
အဂ္ဂ
ခရီးများအဆုံးထိ
ဒီလမ်းကိုငါတို့ကမှရွေးပြီးဖောက်ခဲ့တာမဟုတ်သလို
ငါတို့ချည်းရွေးလျောက်ခဲ့ကြတာလည်းမဟုတ်ပါဘူး
ဒီလမ်းကကြမ်းတယ်......
ဒီလမ်းမှာပန်းမပွင့်ဘူး....
နှစ်သစ်ကူးပွဲတော်တွေအတွက်အချိန်မရှိခဲ့ဘူး....
နှစ်ဦးသဘောတူလျောက်လှမ်းခဲ့ကြတဲ့ဒီလမ်းမှာ
ဘာများကွဲလွဲစရာရှိခဲ့ကြလို့လဲ
ခရီးအစပထမကိုပြန်လှည့်ကြည့်လိုက်
ဗိုက်မှောက်ရေသောက်အမိုးတခုတည်းရဲ.အောက်မှာ
မင်း..နဲ့..ငါ
အဓိကတွေအတွက် သာမညတွေကိုမေ့ပစ်နိူင်ခဲ့ကြတယ်......
ခရီးကြမ်းကြီးတခုတည်းမှာ မင်း..ရယ်..ငါ
တောင်တွေကိုအတူတက်ရင်း ထမင်းအခါခါငတ်ခဲ့
တောတွေကိုအထပ်ထပ်ဖြတ်ရင်းသွေးသောက်ရောင်းရင်းဖြစ်ခဲ့
ချောင်းအထပ်ထပ်ကျော်ရင်းတွေ့ရာအပင်ခြေရင်းခြေအတူဆင်းခဲ့ကြ
အကာလညယံတွေမှာခွပ်ဒေါင်းတေးတွေကိုဆိုငြီးခဲ့ကြ
ပြီးတော့..အမေ့အကြောင်းတွေကိုလုယက်ပြီးပြောကြ
မာတာမိခင်နဲ့ငြိမ်းချမ်းရေးမိခင်အကြောင်းတွေကိုပေါ့......
ငါတို့ရဲ.ခရီးလမ်းတလျောက်မှာအားပေးခဲ့ကြတဲ့
ရွာစဉ်တန်းတလျောက်ကတတိယအမေတွေရဲ.အသံ
မွေးစားမိဘတွေရဲ.အားပေးစကား
ထိုင်းမြန်မာနယ်စပ်နားကစစ်ဘေးသင့်နေကြတဲ့ပြည်သူ့အသံ
မင်းမှတ်မိဟန်တူပါရဲ.
ငါလည်းမေ့လေမယ်မထင်နဲ့.......
တကယ်တော့၁၉နှစ်ဆိုတဲ့သက်တမ်းမှာ
ငါတို့လမ်းတွေမညီညာခဲ့ဘူး
မဖြောင့်ဖြူးခဲ့ကြဘူး..
တချို.ငြှောင့်ဆူးခဲ့ကြသလို
တချို.အချိုသပ်ခံရင်းရန်သူ့ပစ်ကွင်းထဲကိုအမိအရဝင်ခဲ့ကြ
တချို.သေကောင်ပေါင်းလဲဒဏ်ရာတွေကိုရင်မှာပိုက်ရင်းစစ်တလင်းထဲမှာ
ငါကိုယ်တိုင်ကတော့တတိယနိုင်ငံတနိူင်ငံမှာ
ဝေဒနာတနင့်တပိုးတပိုးကိုထမ်းပိုးရင်းအမျက်ဒေါသတွေကိုအတောမသတ်နိူင်သေးတဲ့
အနားမညီတဲ့ချိန်ခွင်လျှာတခုပေါ်မှာ..
အကြိမ်ဖန်များစွာအလဲထိုးခံခဲ့ရ
ဒဏ်ရာတွေနဲ့နေသားကျနေခဲ့ရ
လပြည့်မှန်းလကွယ်မှန်းမသိတဲ့ညတွေကိုဖြတ်ကျော်ခဲ့ရ
ဘယ်လိုမှနေသားကျမလာခဲ့တဲ့လူ့ပတ်ဝန်းကျင်တခုထဲမှာ.....
ဒီလိုနဲ့..စိတ်ဓာတ်မြှင့်တင်ရေးပန်းချီကားတချပ်
၂၀၀၇ရဲ.စက်တင်ဘာမှာ..
မျိုးဆက်သစ်တွေရဲ့သွေးစက်တွေနဲ့စုတ်ချက်တင်
ငါတို့အထွတ်အမြတ်ထားတဲ့သံဃာတွေရဲ.အကြမ်းမဖက်ရေးစိတ်ဓာတ်တွေနဲ့ရေးဖွဲ့ရင်း
နောက်ထပ်ခရီးပြင်းတခုကိုချီတက်ဖို့ရာအတွက်
မပြီးဆုံးသေးတဲ့ငါတို့ရဲ့ခရီးကြမ်းကြီးကိုဆက်လက်လျှောက်လှမ်းဖို့ရာအတွက်
နိူင်ငံတကာရဲ့ဖန်သားပြင်မျက်နှာစာတွေပေါ်မှာ
အသက်ဝင်လာခဲ့ကြလေတယ်....
သူတို့တတွေကဒီလမ်းကိုပန်းကြဲ့ပီးဖောက်ခဲ့ကြတာမဟုတ်ဘူး
ဟိုးအဝေးကမီးမထွန်းနိူင်သေးတဲ့မင်းတို့ငါတို့ရဲ့အမေ့အိမ်တွေအတွက်
မနက်စာဘယ်မှာရှာရမှန်းမသိနိူင်တဲ့မင်းတို့ငါတို့ရဲ့ညီညီမတွေအတွက်
လမ်းမပေါ်ကိုထွက်ပြီးအသေခံရင်း
လူ့အခွင့်အရေးလမ်းစတခုကိုအသက်နဲ့အရင်းပြုပြီး
မီးထွန်းပြသခဲ့ကြတာဖြစ်တယ်......
ဒီလမ်းဟာကြမ်းမယ်
ဒီလမ်းမှာပန်းမပွင့်ဘူး
ဒါပေမယ့်ကူးဖြတ်ရဲဖို့လိုတယ်
ခံနိူင်ရည်ရှိဖို့လိုသလိုပေးဆပ်ရဲဖို့လည်းလိုတယ်
ပြီးတော့အမြင့်ကိုတက်သွားပြီးတဲ့အခါတိုင်း
မိမိခြေလှမ်းတွေကိုပြန်ငုံ့ကြည့်တတ်ဖို့လိုအပ်သလို
အောက်ဆုံးထစ်ကလူကလည်းအချိန်မရွေး
ပခုံးထမ်းတင်ပေးဖို့ဝန်မလေးသင့်ဘူး......။
ဆောင်းယွန်းလ
ဟောဒီ ကမ္ဘာပေါ်မှာ
နာနာကျင်ကျင်ဘ၀ ရှိသူတိုင်း
သမိုင်းကို ပြောင်းလဲပစ်ခဲ့ကြတယ်၊
လူဟာ
ချွေးတစက် ရင်းနှီးရင်
အပွင့်အသီး ညီညီမျှမျှပြန်ရနေဖို့၊
လူတဦးတယောက်ရဲ့ အသက်ရှူသံ
သူ့ကြမ္မာနဲ့ ယုံကြည်ချက်တွေအပေါ်
ဘယ်သူမှ မကျူးကျော်နိုင်ဖို့၊
အသိ အသက် ရှိတာခြင်း တူရင်
ဘယ်လူမျိုးကမှ
အခွင့်အရေး ပိုမယူကြဖို့၊
စစ်ဖိနပ်ထဲ ထိုးသွင်းထားတဲ့
အဟောင်းအမြင်း မှန်သမျှကို
ခေါင်းရင်းကနေ ကန်ချပစ်ကြရမယ်၊
ကျနော်တို့ဟာ
သမိုင်းရဲ့ ထုတ်ကုန်ပါပဲ
လူထုကို ယုံတယ်၊
ဒီမိုကရေစီကို ချစ်တယ်၊
အမျိုးသားသွေးစည်းညီညွတ်ရေးကို မြတ်နိုးတယ်။
ပြည်တွင်းစစ်
အနှစ် (၅၀)ကြီးထဲက
ကြေကွဲ သွေး ဘ၀ အသက်တွေ
ဒီမိုကရေစီ အရေးတော်ပုံကြီးထဲက
သူရဲကောင်းတို့ရဲ့ ၀ိဥာဉ်တွေကို ဦးညွတ်
အမျိုးသားထု လွတ်မြောက်ရေးအတွက်
စစ်အာဏာရှင် အဆက်ဆက်
ညက်ညက်ကြေနေတဲ့ နှလုံးသားပေါ်မှာ
တော်လှန်ရေးကို စိုက်ပျိုးပစ်ခဲ့ကြတယ်။
စစ်အာဏာရှင်တို့
ခင်ဗျားတို့ ဒိုင်ယာရီ စာအုပ်ထဲက
အဆီတရွှဲရွှဲ စာရင်းဇယားတွေဟာ
တိုင်းပြည် သယံဇာတများပဲ ဖြစ်တယ်၊
ခင်ဗျားတို့ နှုတ်ခမ်းက အပြုံးစဟာ
လူထု သက်ပြင်းချသံတွေ ဖြစ်တယ်၊
ခင်ဗျားတို့ မျက်လုံးထဲက အလင်းစဟာ
ကလေးတွေ ချွေချွေချခဲ့ရတဲ့
သွေးစ သွေးနများပဲ ဖြစ်တယ်၊
မီးလောင်ငုတ်တိုနဲ့ ပြာပုံထဲက
ကျည်ဆံခွံတွေကို မေးကြည့်ကြစမ်းပါ၊
လူ့အခွင့်အရေးဆိုတာ
စစ်ဖိနပ်နဲ့ နင်း နင်း ပေးဖို့လားလို့၊
စစ်အာဏာရှင်တို့
လူချင်း အတူတူ
ခင်ဗျားတို့ အသက်ပိုမရှူကြနဲ့၊
အဲဒီ ပိုရှူလိုက်တဲ့လေထဲမှာ
တံတားအနီ
ကတ္တရာအနီ
လွယ်အိတ်အနီတွေနဲ့
တနိုင်ငံလုံး
သွေးနဲ့မျက်ရည် ကျဆုံးခဲ့ရသော
ရှစ်လေးလုံး နေ့ရက်များ ပါတယ်၊
ကျောက်သင်ပုံးအကွဲနဲ့
‘၀’လုံး ရွဲ့စောင်းစောင်းတွေ ပါတယ်၊
နို့ရည်မဲ့
ကွဲအက် နှုတ်ခမ်းတွေ ပါတယ်၊
မြေမြုပ်မိုင်း အရိုင်းအစိုင်းကြောင့်
ခြေတပိုင်းပြတ်သွားတဲ့ ကလေးမလေး ပါတယ်၊
ခွေးလို ထဟောင်တဲ့ သေနတ်ကြောင့်
မျက်စေ့ တဖက်လပ်နဲ့ ကောင်လေး ပါတယ်၊
ယမ်းနံ့နဲ့ သဲ့သဲ့ ရှိုက်သံကြား
ပန်းဦး ကြွေသွားတဲ့ ကောင်မလေး ပါတယ်၊
မြေကြီးနဲ့ တောတောင်ကို ချစ်တဲ့
မျှစ်စို့တွေ ချိုးဖဲ့ ခံရသလိုမျိုး
ကျိုးပျက်သွားတဲ့ မိသားစုတွေ ပါတယ်၊
ငွေစက္ကူထဲ
ကိုယ့်ဘ၀ကိုယ်ပြန်ရှာရင်း
အဖျားအနာ ထူပြောနေတဲ့ လူထုတွေ ပါတယ်၊
အဲဒီ
ခင်ဗျားတို့ ပိုရှူလိုက်တဲ့လေထဲမှာ
စစ်အကျဉ်းထောင်တွေထဲက
သေကွဲ ရှင်ကွဲ ရဟန်းရှင်လူ
ကျောင်းသူကျောင်းသားတွေ ပါတယ်၊
နောက်ဆုံး
ခင်ဗျားတို့ ပိုရှူလိုက်တဲ့ လေထဲမှာ
သာသနာ့အလံတော် သွေးစွန်းလို့
စက်တင်ဘာ တလလုံး ပွန်းပဲ့ပေးလိုက်ရတယ်၊
ဟောဒီခေတ်ဟာ
လူထုကို အချစ်နဲ့ တိုင်းတာတဲ့ခေတ်၊
အသွေး အသား အသက် အသိ ရှိတဲ့ လူက
အသိ အသက် အသား အသွေး ရှိတဲ့ လူတွေအပေါ်
အမြော်အမြင်နဲ့ စောင့်ရှောက်တဲ့ခေတ်၊
မျိုးဆက်သစ်နဲ့ မြေကမ္ဘာ ကျန်းမာရေးအတွက်
လူ့အမြင် လူ့အတွေး
လူ့ရပ်တည်ရေးနဲ့ ကြမ္မာဟာ
လွတ်လပ်စွာ ပျံသန်းနိုင်တဲ့ ခေတ်၊
တူညီမျှတတဲ့
ဘ၀ ဘ၀ချင်း အသက်ရှူသံတွေကြား
အမျိုးသား သွေးစည်ညီညွတ်မှုတို့
မြင့်မြင့်မြတ်မြတ် ဖူးပွင့်နိုင်တဲ့ ခေတ်လေ၊
ဟိုး တောင်တန်းမှာ ငြိမ်းချမ်း မွှေးရီ
ချယ်ရီပွင့်တွေကလည်း
ကျနော်တို့ဘ၀ပဲ မဟုတ်လား၊
ဘုရားကျောင်းက ခေါင်းလောင်းသံတွေ
တောင်ဇလပ်မြေမှာ လှုပ်ခတ်
ကျနော်တို့အားလုံး ချစ်မြတ်နေကြတယ်၊
သလိုပဲ
သဇင်ခက်တွေရဲ့ ဓလေ့ရိုးရာ
ကျနော်တို့ အသက်ရှူသံထဲမှာ ပါတယ်၊
မနောမြေက
နိုးထလာတဲ့ ဧရာဝတီဟာ
ဘ၀များစွာရဲ့ ပင်မရေစီး
အပွင့်အသီးတွေ ဖြစ်ထွန်းစေခဲ့တယ်လေ၊
ရာဇ၀င်ရေးရုပ်ပုံ
သုဝဏ္ဏဘူမိ ရင်ခုန်သံ စည်းချက်တို့
ဟောဒီ အသွေးအသားထဲ ခရီးဆက်နေကြ
ဖားစည်သံတွေကလည်း
ဇွဲကပင်မြေမှာ နိုးထ
ဟောဟိုက ကန္နိရီ ကိန္နရာ မောင်နှံဟာ
ကျနော်တို့ကို ရင်ခုန်မြန်စေခဲ့ပေါ့၊
(တိုင်းရင်းသား ညီအကိုတို့)
အချစ်နဲ့ တိုးဝင်တဲ့စိတ်ဟာ
အလှဆုံး အရိပ်တွေ ကြဲဖြန့်ထားတဲ့အတိုင်း
သမိုင်းသစ်ကို ဖြစ်ထွန်းစေခဲ့တာပဲ မဟုတ်လား၊
ကျနော်တို့ အတူ သွားကြမယ်၊
ကျနော်တို့ အတူ စားကြမယ်၊
ကျနော်တို့ အတူနေ
တနိုင်ငံလုံးက လေကို မျှဝေရှူကြမယ်၊
ဟောဒီ
အမျိုးသားရေး နယ်နိမိတ်ပေါ်မှာ
အာဏာရှင် မှန်သမျှ
ဘယ်တော့မှ ခြေချခွင့် မရရေးအတွက်
ကျနော်တို့ လက်တွေ
မြဲမြဲ ချိတ်ထားကြရမယ်၊
ကျနော်တို့ ရင်ခုန်သံတွေ
မှန်မှန်ကန်ကန် ကူးစက်နေရမယ်၊
ကျနော်တို့ အင်အားတွေ
များများစားစား ညီညွတ်ထားရမယ်၊
ကျနော်တို့ စိတ်ဓာတ်တွေ
မြင့်မြင့်မြတ်မြတ် ပျံသန်းနေရမယ်၊
ပြည်တွင်းစစ်
အနှစ် (၅၀) ကြီးထဲက
ကြေကွဲ သွေး အသက် ဘ၀တွေ
ဒီမိုကရေစီ အရေးတော်ပုံကြီးထဲက
သူရဲကောင်းတို့ရဲ့ ၀ိဥာဉ်တွေကို ဦးညွတ်
အမျိုးသားထု လွတ်မြောက်ရေးအတွက်
စစ်အာဏာရှင်တွေ နှိပ်စက်လို့
ညက်ညက်ကြေနေတဲ့ နှလုံးသားပေါ်မှာ
တော်လှန်ရေးကို စိုက်ပျိုးခဲ့ကြပြီပဲ။
ဘ၀ ရှိရင်
အသိအမြင် မွေးထုတ်
ကြမ္မာဆိုးကို ပုတ်ချပစ်နိုင်တာ
လူသားပဲ ရှိတယ်။
လူတယောက်ဟာ
ဘ၀နဲ့ အသက် ရှင်သန်ဖို့
လွတ်လပ် မှန်ကန်တဲ့ အသိအမြင် ရှိတယ်။
ကိုယ့် အတွေးအမြင် အတောင်အလက်ဟာ
ကိုယ့် အသက်ရှူသံ
ဘယ်သူ့ထံမှ အစီရင်ခံစရာ မလိုဘူး၊
ဥပဒေရဲ့ အထက်မှာ
ဘယ်သူမှ မရှိစေရသလို
လူ့အတွေးအမြင်ပေါ်မှာ
ဘယ်လို အမိုးအကာမှ မလိုပါဘူး။
လူဟာ
အဲဒီ အတွေးအမြင်နဲ့ပဲ
ကိုယ့် မိသားစု ကိုယ့် နိုင်ငံ
ကိုယ့် ကမ္ဘာမြေ ဒုက္ခ သုက္ခတွေကို
လှလှပပ ခုတ်ထွင် ရှင်းလင်းနိုင်ခွင့် ရှိတယ်။
သစ်စေ့ဟာ
မြေကြီးထဲ ငိုကြွေးနေကြတာ မဟုတ်ဘူး၊
အကိုင်းအခတ်တွေနဲ့ ရွက်လွှင့်ဖို့
ကောင်းကင်ကို ဆွဲဖွင့်နေကြတာ။
သစ်တပင်ရဲ့
အမြစ်နဲ့ အကိုင်းအခတ်တွေဟာ
(အဲဒီသစ်ပင်အတွက်တော့)
သမိုင်းဆိုင်ရာ စွမ်းဆောင်ချက်တွေပဲဖြစ်တယ်၊
အမြစ်တွေက နက်နက်တူး
အကိုင်းအခက်တွေက မြင့်မြင့်ပျံ
ဒါ သူ့ တော်လှန်ရေး မဟုတ်ဘူးလား၊
သမိုင်းတခေတ်ဟာ
အပွင့်အဖူးတွေနဲ့ ဖြစ်ထွန်းလာဖို့
နိုင်ငံတိုင်း
နောက်ခံကားချပ်တွေနဲ့
အနာဂတ်ကို တွန်းဖွင့်ခဲ့ကြရပေါ့၊
ဟေ့
စစ်အာဏာရှင်တွေ အဆက်ဆက်
ညက်ညက်ကြေနေတဲ့ နှလုံးသားပေါ်မှာ
တော်လှန်ရေးကို စိုက်ပျိုးထားကြ၊
ကျနော်တို့ အသိအမြင်တွေကို
အသွေးအသားတွေထဲ နက်နက်တူးဆွ
ယုံကြည်ချက်တွေနဲ့ မြင့်မြင့် ပျံကြ၊
ဘ၀ အမှောင်မှာ
လ ရောင် မသာတာကို မြင်တွေး
တော်လှန်ရေး အသိနဲ့ ပေါင်းစပ်ကြည့်ရမယ်၊
မြေကြီးမှန်ရင်
အသီးအနှံကောင်း ထွက်တာပဲလေ၊
တော်လှန်ရေးဟာ
ကျနော်တို့ မြေကြီး အစစ်
နိုင်ငံတော်သစ်ဆီ အရောက်သွားဖို့
သစ္စာတရားနဲ မြင်းတကောင်ဖြစ်တယ်၊
ဟိုးက ကောင်းကင်ပေါ်မှာ
နွေဦးဟာ ကျနော်တို့ကို စောင့်နေပါ့၊
လာခဲ့ကြတော့
လာခဲ့ကြတော့ ဟေ့ တဲ့
အာရုဏ်ဦးမှာ
နှင်းဆီ တထောင် ခူးဆွတ်
နိုင်ငံတော်သစ်ကို ဦးညွတ်ဖို့အတွက်
နွေဦးခေါ်သံဟာ
ထိုး ထွက် လာခဲ့ပြီ။ ။
နေဇော်နိုင်
ရှစ်ဆယ့်ရှစ်
အသံမရှိတဲ့ စကားများ
ဖြစ်သင့်တာထက် ပိုများနေရဲ့။
နုံးတင်မြေနု အနာဂါတ်တစ်ခုအတွက်
ယတိပြတ် ဆုံးဖြတ်လိုက်ရမှာလည်း မလိုချင်ဘူး။
ရိတ်သိမ်းပြီးသမျှကို
လက်လွှတ် စွန့်ပစ်သူအဖြစ်နဲ့။
အမေးမရှိတဲ့ အဖြေများဟာ
ဝဋ်နာ ကံနာစီးလို့ သံသရာဆုံးထိသွားရရင်ဖြင့်။
ဒါဏ်ရာတွေ ကျေစရာကို
ဘယ်ဘူတာမှာ ဆေးကြောကြမလဲ
ရင်ထဲမှာတော့ ထာဝရ ။ ။
ကျော်စွာအောင်
